Takornariartitsisarnermik inuussutissarsiuteqarnerup aamma nunami inuussutissarsiutit siuarsarneqarnissaat pillugit Inatsisartut inatsisissaattut siunnersuut

 


pillugu


Inatsisartut Inuussutissarsiornermut Ataatsimiititaliaata


ISUMALIUTISSIISSUTAA


siunnersuutip aappassaaneerneqarnissaanut saqqummiunneqartoq




Inatsisartut Inuussutissarsiornermut Ataatsimiititaliaat suliarinninnermini ukuninnga inuttaqarpoq:


Inatsisartuni ilaasortaq Simon Olsen, Siumut, siulittaasoq
Inatsisartuni ilaasortaq Johan Lund Olsen, Inuit Ataqatigiit, siulittaasup tullia
Inatsisartuni ilaasortaq Per Rosing-Petersen, Siumut
Inatsisartuni ilaasortaq Finn Karlsen, Atassut
Inatsisartuni ilaasortaqads Peter Grønvold, Kattusseqatigiit

 

Ataatsimiititaliap sulinera

Inatsisartut Inuussutissarsiornermut Ataatsimiititaliaata UKA 2001-imi Takornariartitsisarnermik inuussutissarsiuteqarnerup aamma nunami inuussutissarsiutit siuarsarneqarnissaat pillugit Inatsi-sartut inatsisissaattut siunnersuut siullermeerneqarnerata kingorna nassuiaatitai ilanngullugit ataatsimiinnerni pingasuni oqaluuseraa.

 

Isumasioqatigiilluni ataatsimiinneq

Ataatsimiititaliattaaq siunnersuutip suliarineqarneranut atasumik Naalakkersuisut Siulittaasuat isumasioqatigalugu ataatsimeeqatigisimavaa.

 

Inassuteqaat naalakkersuinikkullu oqaaseqarfiginninnerit

Ataatsimiititaliap siunnersuummik oqaluuserinninnermini paasiniarsimavaa inatsisissatut siunnersuutip § 8, imm. 2-ani aamma § 13, imm. 2-ani aningaasalersuisarnermik aaqqissuussinerit assigiinngissutaat suunersoq. Apeqqut taanna saqqummiunneqarpoq siullermeeraluni oqallinnermi. Ataatsimiititaliap tassunga atatillugu oqaatigissavaa § 8, imm. 2-mi pineqartoq tassaasoq, aningaaserivimmit, sparekassimit, realkreditinstituttimit akuerisaasumit imaluunniit Nunat Avannarliit Killiit Aningaasaateqarfiannit taarsigassarsianut, taakkuluunniit akuleriiaarlugit atorneqarnerannut Naalakkersuisut qularnaveequsiisarnissaat, § 13, imm. 2-mili pineqarluni Aningaasaateqarfiup Unnuisap taarsigassarsisitsinikkut aningaasaliisuunissaa.

Ataatsimiititaliattaaq Naalakkersuisut kaammattussavai aaqqissuussinerit assigiinngitsut Naalakkersuisuniit aqutsivigineqarnissaat pillugu Sulisa A/S-imik suleqateqaqqullugit. Tassunga ilanngullugu Naalakkersuisut kaammattorneqassapput Unnuisap siulersuisuini ilaasortassanik Naalakkersuisut toqqaanerannut atatillugu Naalakkersuisut Sulisa A/S-imi sinniisuutitamik toqqaanissaat tulluartuussanersoq isumaliutigeqqullugu.

Naggataatigut ataatsimiititaliap Naalakkersuisut kaammattussavai umiarsuit imarpiit ikaarlugit takornarianik angallassisartut, nunatta imartaanut pisut, nunatsinnilu umiarsualivissinnatik kisartut, akitsuusiiffigineqarnissaannut periarfissanik misissueqqullugit.

Inatsisartut Inuussutissarsiornermut Ataatsimiititaliaata taamatut oqaaseqarluni Takornariartitsisarnermik inuussutissarsiuteqarnerup aamma nunami inuussutissarsiutit siuarsarneqarnissaat pillugit Inatsisartut inatsisissaattut siunnersuut aappassaaniigassanngortippaa.

 

Simon Olsen,
Siulittaasoq

Johan Lund Olsen                                 Per Rosing-Petersen

  Finn Karlsen                                           Mads Peter Grønvold